Mikromühəndislik əsəri olan saatlarda yaradıcılığı yeni müstəviyə daşımaq VMF Natural Frequencies-in əsas hədəflərindən biri olub. Yarandığı gündən başlayan yenilik axtarışını davam etdirən VMF Saat Fabriki, bu axtarışların nəticəsini yenilənən kolleksiyalarında əks etdirir.

Saatların öz gözəlliyinə fərdiləşdirmə texnologiyasını da əlavə edərək qiymətli vaxtınıza dəyərlərinizi həkk etmək fürsətini sizlərə tanıyırıq. Fərdiləşdirmə texnologiyası üçün keyfiyyət tələblərini tamamilə ödəyən, tam müasir cihazların istifadəsi peşəkar heyətimiz tərəfindən həyata keçirilir. Saatlarımızın istehsalına nəzarət edən Baş Mühəndis Şəhriyar Şıxəliyev ilə fərdiləşdirmə texnologiyası barədə söhbətimizi sizlərlə bölüşürük.

- Saatlara bu yeniliklərin gətirilməsinə necə başlanıldı?

-Fərdiləşdirmə texnologiyası digər bir çox sahədə fərqli üsullarla tədbiq olunurdu. Lakin bu texnologiyanın saatlarda istifadə olunması VMF Saat Fabrikinin təsisçisi Vahid Mustafayevin təşəbbüsü nəticəsində alındı. Saatların fərdiləşdirilməsi fikri ilkin olaraq onun təklifi idi.

-Bu texnologiyanın istifadəsi saatsevərlər tərəfindən nəcə qarşılandı?

-Nəinki Azərbaycan, dünya üzrə saatın içərisinə, daha dəqiq desək, siferblatına tətbiq oluna bilən bu kimi fərdiləşdirməyə rastlanılmırdı. Saatın fərdiləşdirməsi saatın səthi ilə kifayətlənirdi. Korpus və arxa qapağa yazı və digər elementlərin əlavə edilməsinə çox rastlanılır. Biz isə bu texnologiyaya “Qələbə vaxtı” kimi seçilən kolleksiyamızda da yer verdik və bununla kifayətlənməyib saatsevərlərə fərdiləşdirmə fürsətini təklif etdik.

-Fərdiləşdirmə texnologiyasının növbəti mərhələsi nələr vəd edir?

-Növbəti mərhələdə bu il quraşdırılan yeni qurğu və avadanlıqlarla birgə rəngli qravur etmək mümkün olacaq. Sözü gedən avadanlıqların istifadəsinə başlanıldıqdan sonra istənilən rəngli vizualı oyma üsulu ilə tətbiq etmək mümkün olacaq. Əminəm ki, bu yeniliklər gözlənilən nəticələri qarşılayacaq.

Bu mikromühəndislik xariqəsinin istehsalında iştirak edərək ölkəmizin adını seçilənlər siyahısına əlavə etmək böyük qürurdur. Hər gün yeniliklər və inkişaf axtarışında olmağımız bu qüruru daha yüksəklərə daşımaq istəyimizin təzahürüdür.