Seçilənlər

Seçilənlər listiniz boşdur

Səbət

Səbət boşdur

Xəbərlər

Mədəniyyət
İyun 15 2022

Çingiz Mustafayevin anım günü VMF Saat Fabriki tərəfindən hörmətlə yad edildi

Bu gün Azərbaycanın Milli Qəhrəmanı, tanınmış jurnalist, Çingiz Fuad oğlu Mustafayevin anım günüdür. O, 1960-cı il avqustun 29-da dünyaya göz açıb. Jurnalist fəaliyyətinə 1991-ci ilin noyabrında Azərbaycan Televiziyasının reportyoru kimi fəaliyyətə başlamışdır.

 VMF ailəsi olaraq Şəhidlər xiyabanı ilə məzarı ziyarət edilib, önünə çələng və gül dəstələri qoyularaq, xatirəsi ehtiramla anıldı. Orada Seyfulla Mustafayev başda olmaqla, ailə üzvləri, yaxınları və onun xatirəsini hörmətlə yad edən hər kəs iştirak etdi. Onun kimi hər bir vətənpərvər oğullarımız xalqımızın yaddaşında əbədi yaşayacaqdır.

I Qarabağ müharibəsi başlayandan sonra cəbhə bölgələrinə yollanan Çingiz döyüşə gedən bütün rayonlarından operativ xəbərlər, xüsusi reportajlar hazırlayaraq informasiya blokadasında olan Azərbaycanla bağlı həqiqətləri dünyaya çatdırıb.

Çingiz Mustafayevin Xocalıda çəkdiyi erməni vəhşiliyini əks etdirən kadrlar Ermənistanın bütün dünyadakı nüfuzuna ağır zərbə endirib. O, I Qarabağ müharibəsi haqqında 18 sənədli filmin müəllifidir.

Çingiz Mustafayev 1992-ci ilin iyun ayının 15-də Əsgəran rayonunun Naxçıvanik kəndində çəkiliş zamanı aldığı mərmi qəlpəsindən ölüb.

Allah bütün şəhidlərimizə rəhmət eləsin!